Nyari Atribut ampe muterin pasar euy…

Trisyati Ika Pratiwi1445125838

Assalamu’alaikum Warahmatullahi Wabarakatuh
Ehem, ehem tes tes satu satu due tige..
☺kε . Capcus ye temen-temen semuanye ke lanjutan cerite aye yang kedua ini..

     Seudeh di beri arahan ame kakak senior kalo kite di suruh nyelesein tugas-tugas yaitu baik maintain tanda tangan di binder, nyari atribut, bkin nametag, nyari baju, rok, spatu and segale macem embel-embelnye dah tu buat MPA nanti. Setelah 2 hari aye mondar mandir bolak balik ke UNJ hari ke-3nye yaitu tepatnye pada tanggal 08 Agustus 2012 hari Rabu aye langsung dah tuh buat seharian penuh nyari atribut and ape aje yang buat di bawa pas briefing ame MPA nanti. Aye datengin tu atu-atu toko di pasar,,aye nyari mulai dari kain bahan flannel warna kuning ade, kemeja putih ade, roknye ame kemeja warna kuning tu beuuuh,,roknye ini lho nyari kesetiap toko kagak ade mulu,,di tanye bahan silut A para pelayan tokonye ade yang bilang kagak ade barangnye, ade yang bilang kagak ngerti bahan siluet. (¬_¬") Hadeuh…. Aye coba terus kan aye datengin dah tuh setiap toko aye Tanya,

“bang, Rok item yang bahannye agak licin and mengkilap gitu ade kagak bang?” eh baru ngerti diye aye bilang kaye gitu.Katenye, “iye ade neng”.aye tanye lagi tu ame pelayan tokonye “kalo kemeja kuning ade kagak bang?”“Ade mau yang ukuran berape” kate si abang pelayan toko.Ya udeh deh barang udeh ketemu,, tinggal slayer warna ijo ngejreng, tali kur warna item ame ijo tua. Beli tali kur adenye warne item, ijo tuanye kagak ade. Nyari slayer, udeh muter-muter nyari ehhh, bahannye licin kagak kaye yang kakak senior kasi tau, y udeh beli lagi kan tu bahan, giliran udeh di beli tinggal di neci,ukurannye yang salah. Emang dasar….. mau kagak mau beli di kampus dah nanti nitip ame temen kali aje ade yang jual.

     Pas malemnye,,aye nyari kertas asturo warna ijo and oren ngejreng. Beuh….. (-__-“)
muter-muter tiap potocopyan di samperin kagaaaaaaak ade yang pas warnanye. Jadi bingung,,eh nemu deh tuh warna orennye, tau betul tau salah dah tu warnanye. Yang penting beli deh. Tali kur warna ijo tua akhirnye nemu juga kan. Eh, bener kan tu kertas asturonye yang warne oren yang aye beli salah. Pas kumpul semua jurusan MP buat pemeriksaan atribut aye nanya ke kakak senior,ternyata salah warne orennye. Trus disitu aye bingung mu beli dimane lagi coba?? Eh, Alhamdulillah ternyate ade aje jalan keluarnye,,ade yang berbaik hati ngasi aye kertas asturonye yaaaa biarpun sedikit tapi bersyukur ade yang mau ngasih.. hehehe……. :D Udeh deh tinggal maintain tanda tangan TU,Dosen,Para kakak-kakak senior and temen-temen Maba lainnya.
Udeh dulu ye temen-temen sekian dari aye mohon maaf kalo ade salah-salah kate baik yang di sengaje maupun kagak.

Wassalamu’alaikum Warahmatullahi wabarakatuh